Bolela polelo ya geno. Ke tokelo ya gago.
Tirelo ya Tlhathollo ka Mogala ya Afrika Borwa (TISSA) ke thomo ya Kgoro ya Bokgabo le Setšo ya go hlatloša tirišo ya polelo ya pele ya ka gae.
Ke tirelo ya mohuta mang yeo e fiwago?
Tissa e fana ka tirelo ya tlhathollo ka mogala go fihlelela ditirelo tša mmušo go badudi ka moka.
Ke ka lebaka la eng TISSA e fana ka tirelo ye?
TISSA e oketša ditokelo tša tšwetšopele ya polelo le go hlatloša tirišo ya dipolelo ka moka tša mmušo tšeo e lego tša tlhago.
A na setšhaba se ka kgopela ditirelo tša mmušo ka dipolelo tša bona tša ka gae?
Ee, ge fela e le gore ke ye nngwe ya dipolelo tša mmušo tša tlhago.
A na polelo ya maswao yeo e lego ya difoa le yona e a akaretšwa?
Ee, batho ba difoa ba tla amogela ditirelo tša maemo a go swana le a batho ba go kwa. Disaete di go disenthara tše dikgolo tša bosetšhaba.
Tirelo e šoma bjang?
Tirelo e fana ka mohlatholli yo a tlago hlatholla kgopelo ya gago. Theknolotši ya senthara ya teletšo e beilwe go netefatša gore kgopelo ya gago e a hlathollwa, ya kwešišwa gomme ya swarwa go fihlelela kgotsofalo ya gago.
Ke tla tseba bjang gore kgoro ya mmušo e ka nthuša?
Maswao ofising ya mmušo a tla laetša gore ditirelo tša tlhathollo di a fiwa.
Ge ofisi ya mmušo e sa laetše leswao la TISSA, nka kgona go kgopela tirelo?
Ee, o ka kgopela tirelo ge e ba mohlankedi wa mmušo o tseba go e diriša.
Tirelo e tla nthuša bjang?
Mohlatholli yoo a hlahlilwego gabotse o tla thuša wena le mohlankedi wa mmušo gore le hwetše tshedimošo ya nnete.
O na le tokelo ya go bolela polelo ya geno. Mmušo o tla thuša ka go nolofatša poledišano.
Go hwetša tshedimošo ka botlalo ikopanye le Golola Consultancy
Bolela polelo ya geno, ke tokelo ya gago.
Tirelo ya tlhathollo ya mogala e gona fa.
Tlhathollo ya mogala e gona fa.
